مدينة وجدة معروفة بالسفة
تقدم للضيف العزيز وكذالك تقدم نهار دفوع نتاع العروس
مقادير السفة الوجدية
الكسكس الخاص بالسفة يشبه الكسكس العادي لكن رقييييييق بزاف بحال الفينو
الزبدة اما بلدية اما نوع جيد نتاع الاكل انا نفضل البلدية نتاع اللبن
نصف كيلو نتاع الكسكس نديرو فيه 100 غرام نتاع الزبدة
ونحتاجو السكر والقرفة ضروري للتزيين
نفورو الكسكس عادي لكن زايد تفويرة يعني نديرو اربع تفويرات طبعا مع الملح
من بعد التفوار يكون عاد سخون ندخلو فيه الزبدة
ونحطوه في الطبسيل ونزينوه بالسكر والقرفة
طبعا نزيدو نزينوه باش بغينا مثلا نقسمو السفة على اربعة
كل ربع نخلطو معاه شي نوع من المكسرات
انا هنا زينت غير بالبيض
وتقدم السفة الوجدية مع الشاي او اللبن
بالصحة
